انصار (دوشنبه، د سنبلې 27مه) د سپینې ماڼۍ د ملي امنیت شورا د ستراتیژیکو اړیکو همږغوونکی جان کربي وايي، د طالبانو نړیوال مشروعیت دې سره تړلی دی چې دوی نجونو ته د زده کړو د حق ورکولو په برخه کې خپلې ژمنې عملي کړي.
جان کربي ټینګار وکړ، طالبان باید پر خپلو ژمنو عمل وکړي. د دوی نړیوال مشروعیت افغان نجونو ته د تعلیم د حق له ورکولو سره تړلی دی.
ده زیاته کړه، د طالبانو حکومت په اوس وخت کې د افغانستان د رسمي دولت او حکومت په توګه په رسمیت نه پېژني.
کربي دا هم وویل، که طالبان غواړي چې په رسمیت وپېژندل شي باید د نجونو او ښځو د تعلیم د حق د ورکولو په شمول پر خپلو ژمنو ودرېږي.
تر دې مخکې په ملګروملتو کې د امریکا استازې لیندا توماس ویلي و چې د طالبانو حکومت په رسمیت نه پېژني.
دا په داسې حال کې ده چې طالبان له یوې خوا دا تاییدوي چې نجونې د تعلیم حق لري او له بلې خوا مني امریکا د دې سبب شوې چې د نړۍ هیڅ هیواد د دوی حکومت په رسمیت ونه پېژني خو بیا هم نجونو ته د زده کړو اجازه نه ورکوي او د ښځو د حقونو د محدودیت لپاره نوي نوي فرمانونه جاري کوي.
URL تعقيب: https://www.ansarpress.com/pashto/27059
امرالله صالح: د طالب جګړه د دین لپاره نه د قدرت لپاره ده، د نورو د ګټو لپاره خپل خلک وژني